Åsane-spelaren er teken ut til landslaget – «Det er utruleg stort»

Modølingen starta karrieren i Modalen IL, og har no fem sesongar i Åsane bak seg. No er linjespelaren teken ut til topphandballseminaret for jenter 08 – Noregs samling for dei mest lovande spelarane i årskullet, ifølgje handball.no.

Spent, men stolt

– Det er utruleg stort – eg er veldig stolt av å representere Åsane, seier Vilde Neset Engeset.

Framfor den første samlinga er kjenslene delte – spent og nervøs på same tid. Det ho gler seg mest til, treng ho ikkje tenkje seg om for å svare på:

– Å møte og trene med dei beste unge handballspelarane i Noreg.

Tett oppfølging i klubben

Sesongen bak har bydd på både motgang og framgang, og Engeset peikar på miljøet rundt seg som avgjerande.

– Treinarane i Åsane har lagt godt til rette for at eg kan prestere. Eg har hatt god utvikling som spelar generelt, seier ho.

Planen vidare er kort og grei:

– Å utvikle meg mest mogleg og sjå kor langt det ber.