Byrja med gamle minne på papiret, no ligg boka i butikkhylla

Frå tilfeldige notat til ferdig bok

Det heile starta utan nokon stor plan. Steinsland skreiv ned minne slik dei kom til henne, utan tanke på at det ein dag skulle enda opp i ei bokhylle.

Men dei nedskrivne minna vart til noko mykje større. Prosjektet vaks til å omfatte bilete, fakta frå bygdebøker og leiting i avisarkiv. Steinsland har òg snakka med eldre i bygda for å få tak i historier og episodar før dei går tapt.

– Eg ville ta vare på historier før dei går tapt, seier ho.

Heile prosessen, frå dei første nedskrivne minna til den ferdige boka låg klar, tok halvanna til to år.

Barnebarnet redigerte teksten

Boka har blitt eit familieprosjekt. Ingrid Malene, barnebarnet til Steinsland, har redigert teksten og laga teikningar og kart til boka.

For Steinsland handlar boka om noko meir enn berre å samla gamle historier. Ho vil visa fram kor store endringar bygda har gått gjennom i løpet av hennar eiga levetid.

Kan kjøpast to stader, eller bestillast direkte

Det som ein gong var er no til sals to stader i nærområdet: på Mo Handelslag og i Sognafloren.

Dei som heller vil ha boka direkte, kan bestilla ho frå Steinsland sjølv.