Ny app skal gjere barn tryggare på elsparkesykkel

Ni modular og ei ekte teoriprøve

Sparkelappen tek utgangspunkt i reglane frå Statens vegvesen og gjer dei om til korte leksjonar tilpassa born. Kurset dekker alt frå fartsgrenser, hjelmbruk og trimming til farleg underlag og mørkekøyring.

Barnet lærer først, øver etterpå med quiz og sveip-oppgåver, og avsluttar med ei teoriprøve. Ti tilfeldige spørsmål blir stilt, og åtte rette svar krevst for å greie prøva, akkurat som ei ekte prøve.

Maskoten Gnist, eit lyn med hjelm, følgjer barnet gjennom heile kurset.

Etter bestått prøve får barnet eit personleg diplom med QR-kode. Diplomet er gyldig i 12 månader, deretter må barnet ta ei kort oppfrisking på fem spørsmål for å halde kunnskapen ved like.

Konsekvensar i staden for pekefinger

I staden for å berre liste opp forbod, viser appen filmar med verkelege situasjonar der barnet sjølv må vurdere kva som er rett og gale i trafikken.

– Forsking på trafikkopplæring er tydeleg: å forstå konsekvensen verkar betre enn å pugge forbod, heiter det frå Nese Media.

Kurset er laga for aldersgruppa 10 til 15 år, sjølv om lovleg aldersgrense for å køyre elsparkesykkel er 12 år. Tanken er at reglane bør sitte før barnet faktisk set seg på sykkelen.

Gratis, men ikkje offisielt godkjent

Appen er heilt gratis å bruke, utan abonnement, reklame eller skjulte kjøp. Kurset kan startast utan innlogging, og framdrifta lagrast lokalt på mobilen. Skal diplomet sendast på SMS eller lagrast på Min side, må brukaren logge inn med ein eingongskode.

Det er likevel viktig å vere klar over kva Sparkelappen faktisk er, og kva han ikkje er. Diplomet er ikkje eit offentleg dokument, og det finst ikkje noko offisielt førarkort for elsparkesykkel i Norge.

Appen er ei uavhengig læringsteneste utan tilknyting til Statens vegvesen eller Trygg Trafikk, sjølv om innhaldet byggjer på deira offentlege reglar og råd.

Kurset gir heller ingen garanti for tryggleik. Køyring skjer alltid på eige og foreldre sitt ansvar, og appen erstattar verken vaksne si oppfølging eller lovpålagt utstyr som hjelm og forsikring.

Les også

Barnet ditt kommer til å kjøre elsparkesykkel

Lær dem trafikkreglene først. Gratis teorikurs med konsekvensfilmer og teoriprøve for 10–15-åringer – uten innlogging.

Sparkelappen

Forsikringsplikta mange ikkje kjenner til

Sidan 1. januar 2023 har ansvarsforsikring vore påbode for private elsparkesyklar. Mange familiar veit framleis ikkje om dette kravet.

Appen samlar difor også informasjon retta mot vaksne: korleis ein oppdagar trimming, kva ansvarsforsikringa faktisk dekker, og fem spørsmål som kan starte ein god samtale heime om trafikktryggleik.

For modølingar som har barn på veg ut i trafikken kan eit slikt kurs vere ein enkel måte å sikre at reglane sit før farten aukar.

Les også

Barnet ditt kommer til å kjøre elsparkesykkel

Lær dem trafikkreglene først. Gratis teorikurs med konsekvensfilmer og teoriprøve for 10–15-åringer – uten innlogging.

Sparkelappen

Til info: Appen er utvikla av Nese Media, samme selskap som er utgivar av SmartAvis, Alvernytt og Modalsnytt.